На парадку дня канферэнцыі значылася тры пытанні: аб выніках работы раённай арганізацыйнай структуры РДГА “Беларускае таварыства “Веды” і задачах па яе ўдасканаленні, выбары новага складу праўлення арганізацыйнай структуры і выбары дэлегатаў на справаздачна-выбарчую канферэнцыю Магілёўскай абласной структуры РДГА “Беларускае таварыства “Веды”, якая адбудзецца 19 верасня.
Дакладваючы па першым пытанні, Жана Канькова засяродзіла ўвагу на шматграннасці праведзенай за справаздачны перыяд работы. Асобнае значэнне ў арганізацыі інфармацыйнай работы з насельніцтвам адводзіцца мерапрыемствам, якія звязаны з правядзеннем дзяржаўных, агульнарэспубліканскіх і прафесійных святаў і памятных дат. Яны з’яўляюцца значным фактарам маральнага ўдасканалення асобы, павышэння яе ўнутранай і знешняй культуры, фарміравання меркаванняў. Прыкладам гэтага сталі мерапрыемствы, прысвечаныя Дню Перамогі, Дню Канстытуцыі, Дню Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь, Дню беларускага пісьменства, Дню народнага адзінства і інш.
Наладжана актыўнае супрацоўніцтва з духоўна-асветніцкім цэнтрам Свята-Георгіеўскага храма. Цікава і насычана праходзяць такія мерапрыемствы, як “Таямніцы беларускага пісьменства”, “Старажытныя абіцелі — цэнтр духоўнасці і асветы”, “Хрысціянскія матывы ў творчасці беларускіх пісьменнікаў”.
У цэлым работа Бабруйскай раённай арганізацыйнай структуры РДГА “Беларускае таварыства “Веды” дэлегатамі канферэнцыі прызнана здавальняючай. А новаму складу праўлення (на наступны тэрмін паўнамоцтваў старшынёй абрана Таццяна Нікіфарава, намеснік дырэктара дзяржаўнай установы культуры “Цэнтралізаваная бібліятэчная сетка Бабруйскага раёна) гэтую работу належыць яшчэ болей развіць і ўдасканаліць.
