Адпаведна дакументу трэнер-выкладчык аддзялення цяжкай атлетыкі ўстановы адукацыі «Магілёўскае дзяржаўнае вучылішча алімпійскага рэзерву» Анатоль Лабачоў узнагароджанны ордэнам Пашаны. Медаль «За працоўныя заслугі» атрымалі адразу некалькі жыхароў Магілеўшчыны: мантажнік сувязі — спайшчык філіяла № 4 ААТ «Белсувязьбуд» г.Магілёва Васіль Бацанкоў, загадчык отарыналарынгалагічнага аддзялення ўстановы аховы здароўя «Магілёўская гарадская бальніца хуткай медыцынскай дапамогі» Петр Гутараў, загадчык 1-га анкалагічнага хірургічнага таракальнага аддзялення ўстановы аховы здароўя «Магілёўскі абласны анкалагічны дыспансер» Вадзім Марчанка, электразваршчык ручной зваркі філіяла ААТ"Магілёўтэхмантаж" Бабруйскага мантажнага ўпраўлення Уладзімір Назараў, дырэктар дзяржаўнай спецыялізаванай вучэбна-спартыўнай установы «Магілёўская гарадская спецыялізаваная дзіцяча-юнацкая школа алімпійскага рэзерву № 4» Валянціна Рогаўцэва.
Акрамя таго, дырэктар Магілёўскага філіяла ўстановы адукацыі «Беларуская дзяржаўная акадэмія музыкі» Мікалай Алданаў атрымаў званне «Заслужаны дзеяч мастацтваў Рэспублікі Беларусь», а дырэктар дзяржаўнага ўнітарнага камунальнага даччынага будаўнічага прадпрыемства «Бялыніцкая перасоўная механізаваная калона № 241» Уладзімір Раманенка — «Заслужаны будаўнік Рэспублікі Беларусь».
Дзяржаўныя ўзнагароды Рэспублікі Беларусь прысуджаюцца за шматгадовую плённую працу, узорнае выкананне службовых абавязкаў, дасягненне высокіх вытворчых паказчыкаў у прамысловасці і будаўніцтве, значны асабісты ўклад у развіццё навуковай дзейнасці, грамадзянскай авіяцыі, сродкаў сувязі, сферы аховы здароўя, адукацыі, мастацтва, культуры і спорту.
