— У гэтым годзе раёну выдзелена 3 трактары маркі «Беларус-3022», з якіх два — Бабруйскаму КХП і адзін — ААТ «Саўгас Кісялевічы». Гэтыя трактары ўжо ўдзельнічалі ў веснавой пасяўной кампаніі. Таксама СВК «Гігант» за ўласныя сродкі набыў трактар «Джон-дзір». Спецыяльна для корманарыхтоўчай кампаніі раёну выдзелена 5 кормаўборачных комплексаў КГ-6 «Палессе». Імі папоўніліся машынныя паркі сельгасаддзялення Бабруйскага ААТ «Аграмашсервіс», ААТ «Саўгас Кісялевічы», СВК «Калгас імя А. Неўскага», СВК «Калгас імя Дзяржынскага» і філіяла «Варатынь» РУП «БЗТДіА». Усе яны ўжо прымаюць удзел у корманарыхтоўцы. Набылі сёлета таксама 4 касілкі КПР-9 і дзевяць касілак КДН-210. Вырашаюцца пытанні па атрыманні прычэпнай тэхнікі вытворчасці Бабруйскага аграмаша.

Акрамя таго, Бабруйскім ААТ «Аграмашсервіс» атрыманы айчынны, мясцовага завода, абмотчык рулонаў. Дарэчы, у раёне гэта ўжо другая машына такога прызначэння. Да гэтага абмотчык, але замежнай вытворчасці, набылі ў СВК «Гігант». Тэхналогія закладкі сянажнай масы з дапамогай абмотчыка станоўча сябе зарэкамендавала (высокая захаванасць корму), таму Бабруйскі ААТ «Аграмашсервіс» аказвае ім паслугі і іншым сельгасарганізацыям, у прыватнасці, ААТ «Саўгас Кісялевічы».

А ўвогуле для правядзення кампаніі па нарыхтоўцы корму ў раёне маецца 40 кормаўборачных комплексаў — у тым ліку 5 новых, з якіх 8 замежнай вытворчасці і 32 — айчыннай. Комплексы замежнай вытворчасці, у прыватнасці, «Ягуар-870», адразу ж аснашчаны прыстасаванннем для ўнясення кансервантаў. Айчынныя кормаўборачныя комплексы камплектуюцца без іх, але для гэтых мэт у раёне маецца 16 асобных прыстасаванняў для ўнясення кансервантаў УВК 400. Яны ўстаноўлены на КГ-6 «Палессе» і ўсе задзейнічаны ў корманарыхтоўцы. Такой колькасці тэхнікі дастаткова, каб корманарыхтоўчая кампанія прайшла зладжана, у аптымальныя тэрміны.

Па матэрыялах грамадска-палітычнай газеты «Трыбуна працы»