Асноўнай тэмай размовы сталі дэнамінацыя беларускага рубля, якая пачнецца 1 ліпеня сёлетняга года, мэты і механізм яе правядзення. Увага работнікаў раённых арганізацый і сяльчан была таксама акцэнтавана на такіх актуальных пытаннях, як папярэджанне вытворчага траўматызму, прыватызацыя жылля, да заканчэння якой засталося ўсяго некалькі тыдняў.
Як і ў папярэднія разы, некаторыя вяскоўцы выкарысталі сустрэчу з прадстаўнікамі ўлады, каб атрымаць адказы на хвалюючыя пытанні. Апошнія датычыліся вывазу цвёрдых бытавых рэшткаў, рамонту дарог, зносу аварыйных дрэваў. Адказы на асобныя з іх былі дадзены непасрэдна падчас дня інфармавання, іншыя накіраваны ў кампетэнтныя органы для вывучэння. Адказы на іх будуць дадзены адрасатам у пісьмовым выглядзе ў вызначаны заканадаўствам тэрмін. На фота: група № 1 падчас сустрэчы з калектывам ЗАТ “Птушкафабрыка “Вішнёўка”.
Па матэрыялах грамадска-палітычнай газеты “Трыбуна працы”