Патрабаванні да корманарыхтоўкі гэтага года ўзмоцнены: леташняя спякота яскрава паказала, што значыць харчаванне “з калёс”. Таму перадавікоў сёлетняй корманарыхтоўчай кампаніі без перабольшання можна назваць героямі, праца якіх заслугоўвае самых цёплых слоў пашаны і падзякі.
З мэтай выказаць апошняе земляробам, чые паказчыкі па стану на ўчарашні дзень прызнаны аднымі з найлепшых у раёне, на сенажаці выехала група ў складзе старшыні раённага аб’яднання прафсаюзаў Людмілы Крычко, выконваючага абавязкі начальніка аддзела ідэалагічнай работы, культуры і па справах моладзі райвыканкама Дзмітрыя Вяроўкіна і карэспандэнта “раёнкі”. Граматамі Бабруйскага раённага аб’яднання прафсаюзаў, якое ўваходзіць у Федэрацыю прафсаюзаў Беларусі, за добрасумленную працу і высокія паказчыкі ў корманарыхтоўчай кампаніі 2016 года ўзнагароджаны механізатары Бабруйскага ААТ “Аграмашсервіс” Андрэй Мікалаевіч Андруховіч і Віталь Валер’евіч Падшывалаў (фота 1, 2),
![](/images/content/news/korma/1.jpg)
![](/images/content/news/korma/3.jpg)
а таксама механізатар ААТ “Саўгас Кісялевічы” Аляксандр Рыгоравіч Зорын (фота 3).
![](/images/content/news/korma/2.jpg)
Па матэрыялах грамадска-палітычнай газеты “Трыбуна працы”