Пісьменнік па-майстэрску авалодаў увагай школьнікаў, бо цікава і эмацыянальна раказваў пра прыгоды сваіх літаратурных герояў. Усе гісторыі не толькі смешныя, цікавыя і займальныя, але, што немалаважна, вучаць дзяцей дабрыні, спагадзе, сумленнасці і справядлівасці. Шмат яго кніг напісаны ў стылю фантастыкі, але, як сцвярджае аўтар, іх аснова- рэальныя падзеі, якія ён запазычыў, вывучаючы неапазнаныя з’явы і гісторыю. Валерый Квілорыя пазнаёміў дзяцей з новымі творамі іншых аўтараў, адказаў на шматлікія пытанні і запрасіў школьнікаў дасылаць свае літаратурныя творы на сайт пісьменніка.
У гэты ж дзень Валерый Тамазавіч наведаў прытулак ДУА «Бабруйскі раённы сацыяльна-педагагічны цэнтр», дзе таксама сустрэўся з дзецьмі і падарыў ім бібліятэку сваіх кніг. Хочацца адзначыць, што пісьменнік другі год запар прымае ўдзел у навагодняй дабрачыннай акцыі «Нашы дзеці» і перадае дзецям Бабруйшчыны цікавыя і прыгожа аформленыя кнігі.
Напрыканцы мерапрыемства, кожны з ўдзельнікаў дзівоснага падарожжа атрымаў ад бібліятэкараў цэнтральнай раённай бібліятэкі прыгожа ілюстраваны буклет з запрашэннем прачытаць кнігі Валерыя Квілорыя ў бібліятэках раёна.
ДУК «ЦБС Бабруйскага раёна»