Летнія канікулы, можна сказаць, завяршыліся — да пачатку навучальнага года засталіся лічаныя дні. Для педагогаў час надзвычай напружаны: у падрыхтоўцы да вучэбнага працэсу і непасрэдна да 1-га верасня неабходна прадумаць усё да дробязяў — ад рабочага гардэробу да вучэбных планаў і задач. На апошніх акцэнтавалася ўвага на традыцыйнай жнівеньскай канферэнцыі педработнікаў, якая прайшла 28 жніўня ў раённым выканаўчым камітэце і ўдзел у якой прынялі старшыня райвыканкама Аляксандр Осіпаў, старшыня райсавета дэпутатаў Аляксандр Емяльянаў, дэпутат аблсавета дэпутатаў, дырэктар філіяла Белдзяржстраха па Магілёўскай вобласці Анатоль Глаз, намеснік старшыні райвыканкама Святлана Носава, начальнік аддзела адукацыі, спорту і турызму Алена Баркоўская, іншыя адказныя работнікі райвыканкама.
Падчас мерапрыемства ў адрас педработнікаў прагучала шмат цёплых слоў. І гэта зразумела — ад іх прафесіяналізму, творчага запалу, любові да дзяцей, умення выслухаць іх і падтрымаць, нацэліць на вучобу і дасягненне пастаўленых мэт залежыць будучыня цяперашніх хлопчыкаў і дзяўчынак і будучыня краіны ў цэлым.
Лепшым з лепшых настаўнікам і выхавальнікам, чые паказчыкі па выніках мінулага навучальнага года прызнаны найвышэйшымі, уручаны ўзнагароды.
Па матэрыялах грамадка-палітычнай газеты «Трыбуна працы»
