Чакае часу пасадкі і насенне бульбы. З улікам таго, што пад гэтую культуру сёлета плануецца заняць 1090 га, на дадзеныя мэты будзе выкарыстана 4 тоны насеннага матэрыялу. Да таго ж, у СВК «Гігант» маецца элітнае насенне «другога хлеба» — пры неабходнасці сельгасарганізацыі могуць абнавіць уласны гатунковы і рэпрадукцыйны склад.

Што датычыцца насення мнагалетніх траў, то гэтым часам у гаспадарках займаюцца яго падрыхтоўкай да сяўбы. Са 154 тон, якія раёну сёлета спатрэбяцца, падрыхтавана 84 працэнты. Вядзецца закупка насення люцэрны — высокабялковай культуры, здольнай за адзін сязон даваць да 3-4 укосаў, ёю ў раёне збіраюцца засеяць 500 га. Між тым нельга сказаць, адзначаюць у райсельгасхарчы, што сітуацыя з забяспечанасцю насеннем ва ўсіх сельгасарганізацыях аднолькавая. Калі ў тым жа СВК «Калгас імя А. Неўскага» мнагалетнікаў маецца звыш патрэбы, то ў ААТ «Агракамбінат «Бабруйскі» — пакуль не дастае. У планах гаспадаркі набыць яго ў СВК «Калгас імя А. Неўскага», у СВК «Гігант», ЗАТ «Насенне траў», іншых арганізацыях — у залежнасці ад віду траў.

Немалая работа праводзіцца ў раёне па набыцці да веснавой сяўбы сродкаў аховы раслін, у тым ліку пратруты. Апошняя спатрэбіцца ў першую чаргу — для апрацоўкі насення зерневых перад унясеннем у глебу. Пакуль пратрутай раён забяспечаны на 28 працэнтаў. Для набыцця недастаючай часткі спатрэбіцца ні многа ні мала — яшчэ 209 тысяч долараў ЗША, і гэта без уліку іншых сродкаў аховы. Аднак разумеючы вялікую ролю дадзеных рэчываў у фарміраванні будучага ўраджаю, сельгасарганізацыі імкнуцца знаходзіць сродкі на гэтыя мэты.

Па матэрыялах грамадска-палітычнайь газеты «Трыбуна працы»