На гэты час, як паведамілі ў райсельгасхарчы, з 2300 тон насення зерневых і зернебабовых культур, якія патрабуюцца да вясны і якія ў раёне маюцца, даведзена да кандыцыйных патрабаванняў каля адной тысячы тон альбо 45 працэнтаў ад неабходнага. Прычым у радзе гаспадарак з дадзенай работай ужо цалкам справіліся. Гэта датычыцца ААТ «Саўгас «Кісялевічы», філіяла «Харчавік-Агра» ААТ «Чырвоны харчавік», ЗАТ «Птушкафабрыка «Вішнёўка». Да заканчэння набліжаюцца ў філіяле «Варатынь» ААТ «БЗТДіА». Між тым, у асобных гаспадарках за гэтую работу толькі бяруцца. Горш астатніх справы абстаяць ў СВК «Калгас імя Дзяржынскага». Аднак з улікам таго, што ў запасе яшчэ месяц — усё без выключэння насенне павінна быць падрыхтавана да сярэдзіны снежня — намер і магчымасць гаспадарак з заканчэннем уборачных работ актывізаваць работу ў гэтым накірунку даюць падставу меркаваць, што да ўстаноўленага тэрміну насенны матэрыял будзе цалкам дапрацаваны.
Па матэрыялах грамадска-палітычнай газеты «Трыбуна працы»