Як адзначыў начальнік раённай інспекцыі Дзяржтэхнагляду М.М.Голуб, падчас семінару былі абмеркаваны пытанні добраўпарадкавання машынных двароў, падрыхтоўкі механізаваных майстэрань да работы ў зімовых ўмовах i непасрэдна ход пастаноукі тэхнікі на працяглае захаванне. Таксама былі закрануты пытанні работы з гарантыйнай тэхнікай i пытанні спісання тэхнікі у сёлетнім годзе.
Галоўным інжынерам i асобам, якія адказныя за пастаноўку тэхнікі, было яшчэ раз нагадана, што апошні тэрмін пастаноўкі, згодна рашэння Бабруйскага райвыканкама, 1-га лістапада. Да сярэдзіны месяца будуць падведзены вынікі кампаніі i дадзена прынцыповая ацэнка рабоце ў гэтым накірунку. Сельгасарганізацыям, дзе да пастаноўкі аднесліся найлепшым чынам, па выніках агляду будуць прысуджаны прызавыя месцы. У адносінах тых, хто да адказнага мерапрыемства падыйшоў з прахалодцай: паставіў на захаванне не ўсю тэхніку альбо зацягнуў з тэрмінам, ці зрабіў гэта з парушэннем патрабаванняў дзяржаўнага стандарту, будуць прадпрыняты адпаведныя меры.
Па матэрыялах грамадска-палітычнай газеты «Трыбуна працы»