На парадку дня стаяла 5 пытанняў: аб выніках работы Бабруйскага раённага аддзялення Магілёўскай вобласці Беларускай партыі “Белая Русь”, аб унясенні змен у склад Савета раённага аддзялення, аб абранні старшыні Савета на новы тэрмін паўнамоцтваў, аб унясенні змен у склад Кантрольна-рэвізійнай камісіі раённага аддзялення і аб абранні дэлегатаў на справаздачна-выбарную канферэнцыю Магілёўскага абласнога аддзялення Беларускай партыі “Белая Русь”.

У сваёй справаздачы аб дзейнасці раённага аддзялення за перыяд з 19 мая 2023 года — часу яго стварэння — Ірына Старавойтава распавяла аб праведзенай немалой рабоце разнастайнай накіраванасці, засяродзіла ўвагу на найбольш значных мерапрыемствах, у якіх члены партыі “Белая Русь” прынялі ўдзел — ад аказання фінансавай дапамогі на рамонт воінскіх захаванняў, усталявання спартыўна-гульнёвых пляцовак на тэрыторыі раёна да ўдзелу ў патрыятычных мерапрыемствах і акцыях, у тым ліку па абмеркаванні асноўных накірункаў рэалізацыі дзяржаўнай палітыкі ў нашай краіне, а таксама пытанняў жыццядзейнасці, што хвалююць насельніцтва.

Партыйцы далі станоўчую ацэнку рабоце раённага аддзялення партыі і яе лідару.

Бабруйскае раённае аддзяленне партыі “Белая Русь” было ініцыятарам і ўдзельнікам шматлікіх добрых спраў у раёне, члены партыі заўжды былі “на перадавой”, — адзначыла член “Белай Русі”, намеснік старшыні Бабруйскага райвыканкама Таццяна Варанко.

Высокая ацэнка канферэнцыяй была адзінагалосна падтрымана і як вынік — Ірына Старавойтава абрана старшынёй Савета Бабруйскага раённага аддзялення Магілёўскай вобласці Беларускай партыі “Белая Русь” на новы тэрмін паўнамоцтваў.

Вызначыліся члены партыі і з дэлегатамі на справаздачна-выбарную канферэнцыю Магілёўскага абласнога адзялення Беларускай партыі “Белая Русь”. Удзел у высокім форуме, які мае адбыцца 20 чэрвеня, прымуць тры члены раённага аддзялення.