Дапаўняючы даклад старшыні райкама прафсаюза аб праведзенай рабоце, якая ў асноўным была накіравана на паляпшэнне ўмоў працы работнікаў арганізацый АПК, павышэнне іх заработнай платы, выкананне мерапрыемстваў па ахове працы, вопытам прафсаюзнай работы, станоўчымі напрацоўкамі і дасягненнямі ў вырашэнні пытанняў працаўнікоў сваіх прадпрыемстваў, а таксама праблемнымі пытаннямі, з якімі даводзіцца сутыкацца, падзяліліся прафсаюзныя лідэры ААТ «Чырвоны харчавік», БДАЭК, СВК «Калгас імя А. Неўскага» і некаторых інш.

Даючы ацэнку работы райкама прафсаюза работнікаў АПК — а яна была прызнана здавальняючай, удзельнікі канферэнцыі ўносілі прапановы і пажаданні ўжо новаму складу райкама. У выпрацаванай канферэнцыяй Пастанове райкаму прафсаюза, камітэтам прафсаюзных арганізацый рэкамендавана працягнуць работу па дальнейшым удасканаленні і ўмацаванні сацыяльнага партнёрства праз узмацненне ролі пагадненняў і калектыўных дагавораў у пытаннях сацыяльна-эканамічнай абароны работнікаў, працягнуць работу прафсаюзных арганізацый і пашыць круг пытанняў падчас ажыццяўлення грамадскага кантролю, удзяляць болей увагі ў сваёй рабоце пытанням, звязаным з замацаваннем моладзі на вытворчасці, прафсаюзным арганізацыям павысіць узровень арганізацыі працоўнага спаборніцтва, як галоўную ўмову павышэння вытворчасці і эфектыўнасці работы.

Другая частка канферэнцыі была прысвечана выбарам новага складу членаў райкама прафсаюза работнікаў АПК і непасрэдна старшыні райкама. Адзінагалосна ім абраны С.І. Феднеў.

По материалам общественно-политической газеты «Трыбуна працы»