Дарэчы, у многіх населеных пунктах раёна звыклыя «радыёкропкі» ужо не працуюць. Але грамадзяне, якія паклапаціліся пра УКХ радыёпрыёмнікі, ужо маюць магчымасць нас слухаць. Для тых, хто гэтага яшчэ не зрабіў, нагадваем, што набыць радыёпрыёмнік новага ўзору можна ў спецыялізаваных магазінах або на «Белтэлекам». Каб пачуць мясцовае радыё (праграму «Бярэзінская хваля» і Бабруйскае гарадское радыё), дастаткова настроіць радыёпрыёмнік на частату «Першага нацыянальнага каналу Беларускага радыё» —71,4.
Як і раней, шаноўныя радыёслухачы, мы спадзяемся на цеснае з вамі супрацоўніцтва. Чакаем вашых паведамленняў пра незвычайныя здарэнні, слушную інфармацыю грамадскага значэння, а таксама заявак на размяшчэнне ў эфіры рэкламы, аб’яў, віншавальных паштовак з нагоды святаў. Кантактныя тэлефоны «Бярэзінскай хвалі»: 72-01-57, 72-11-04.
Алена КАРПЕНКА, загадчыца аддзела радыёвяшчання райгазеты «Трыбуна працы»