У фэсце паўдзельнічалі творчыя калектывы і выканаўцы — члены абласных арганізацый грамадскіх аб’яднанняў “Беларускае таварыства інвалідаў па зроку”, “Беларускае таварыства глухіх” і “Беларускае таварыства інвалідаў”.
Па выніках фестывалю былі вызначаны пераможцы (ацэнка вялася па 10-ці намінацыях). У іх ліку — і прадстаўнікі Бабруйскай раённай арганізацыі “Беларускае таварыства інвалідаў”. Дыплома лаўрэата 2-й ступені ў намінацыі “Эстрадны вакал” удастоена Ганна Салановіч. Такую ж ацэнку ў намінацыі “Выяўленчае мастацтва” атрымаў Леанід Салянкін. Дыпломам лаўрэата 3-й ступені ў намінацыі “Мастацкае слова” ўзнагароджаны Генадзь Траццякоў. Сяргей Кашчык і Галіна Далжэўская сталі ўладальнікамі дыпломаў удзельніка ў намінацыі “Дэкаратыўна-прыкладная творчасць” (накірункі “вышыўка” і “вязанне”).
Абласны фестываль “Разам мы зможам болей” яшчэ раз пацвердзіў — людзі з абмежаванымі фізічнымі магчымасцямі здольны на многае. А тое, што збіраюцца разам, на адных пляцоўках, ладзяць сумесныя мерапрыемствы, — поспеху толькі садзейнічае.
Фота з архіва Бабруйскай раённай арганізацыі ГА “БелТІ”.