Атрыманая інфармацыя аналізуецца, пры выяўленні выпадкаў неабгрунтоўнага павышэння цаны — даводзіцца да кантралюючых службаў i райвыканкама, якія займаюцца вывучэннем абаснаванасці рашэнняў пра змяненне цаны і пры неабходнасці — рэгулююць.
Падчас учарашняга маніторынгу старшыня Бабруйскага раённага аб’яднання прафсаюзаў Віталь Сідзюк наведаў гандлёвыя кропкі Бабруйскага АСП Кіраўскага райста ў населеных пунктах Слабодка і Каменка. Адначасова з цэнамі звяртаў увагу на асартымент прадукцыі, яе даступнасць насельніцтву (наяўнасть тавараў у розных цэнавых катэгорыях) і якасць.
— Кожны маніторынг абмяркоўваем на пасяджэнні прэзiдыума Савета раённага аб’яднання прафсаюзаў, вынікі даводзім да аддзела эканомікі райвыканкама. Робіцца ўсё для таго, каб у кожнага вяскоўца была магчымасць набыць якасны тавар, у адпаведнасці з даходамі і пажаданнямі, — заўважыў Віталь Сідзюк.