Апошняе якраз-такі датычыцца ўборкі кукурузы на зерне. Як паведаміў начальнік вытворчага аддзела райсельгасхарчу Віктар Садоўскі, на раніцу ўчарашняга дня на зерневыя мэты кукурузы было ўбрана 657 га або 32% ад патрэбы. Намалочана 5737 т зерня пры сярэдняй ураджайнасці 87 ц/га. Калі аналізаваць у разрэзе гаспадарак, то найвышэйшая ўраджайнасць зерня дасягнута калектывам СВК «Гігант» — 124 ц/га. Другі па велічыні паказчык — у ААТ «Саўгас Кісялевічы» (115 ц/га), трэці — у ААТ «Неўскі-Агра» (100 ц/га), вышэй за сярэднераённы — таксама ў ААТ «Міхалёўская Ніва» (88 ц/га).
На сілас кукуруза ўбрана з плошчы 4086 га (69% ад неабходнага). Нарыхтавана больш за 113 000 тон сіласу ці 100% ад запланаванага, і гэтая работа працягваецца. Ураджайнасць зялёнай масы ў сэрэднім па раёне складае 330 ц/га. Аднак у разрэзе сельсгасарганізацый паказчык розніцца. У «Гіганце», да прыкладу, з аднаго круга ўзялі 473 ц, у «Міхалёўскай Ніве» і «Саўгасе Кісялевічы» — па 380.
Сяўба азімых — у стадыі завяршэння. Пасеяна 8500 гектараў з плану ў 10 000 га.
На фінішы і капанне бульбы — убрана 400 гектараў з пасаджаных 488. Накапана 16 533 тоны клубняў пры сярэдняй ураджайнасці 413 ц/га. У СВК «Гігант», дзе пад культуру было занята 460 гектараў, ураджайнасць атрымалі і таго большую — 425 ц/га.
