Пачаўся абрад з малебна ля Паклоннага крыжа, які правёў айцец Аляксандр, святар бабруйскага жаночага манастыра Святых Жон-міраносіц. Атрымаўшы блаславенне на добрую справу, удзельнікі хроснага ходу, сярод якіх і работнікі Пятровіцкага Дома народнай творчасці, у суправаджэнні бацюшкі, з абразам Гарбацэвіцкай Божай маці ішлі па населеным пункце, заходзілі ва ўсе адчыненыя вароты домаўладанняў і блаславілі іх жыльцоў — жадалі божай ласкі: здароўя, душэўнай раўнавагі, шчодрага года, міру.
![](https://cdn.shortpixel.ai/client/to_auto,q_glossy,ret_img,w_1164,h_646/https://www.tribunapracy.by/wp-content/uploads/2023/06/изображение_viber_2023-06-06_22-19-05-343.jpg)
![](https://cdn.shortpixel.ai/client/to_auto,q_glossy,ret_img,w_1336,h_889/https://www.tribunapracy.by/wp-content/uploads/2023/06/изображение_viber_2023-06-06_22-19-09-316.jpg)
![](https://cdn.shortpixel.ai/client/to_auto,q_glossy,ret_img,w_1203,h_740/https://www.tribunapracy.by/wp-content/uploads/2023/06/изображение_viber_2023-06-06_22-19-11-618.jpg)
![](https://cdn.shortpixel.ai/client/to_auto,q_glossy,ret_img,w_1466,h_936/https://www.tribunapracy.by/wp-content/uploads/2023/06/изображение_viber_2023-06-06_22-19-17-103.jpg)
— Абрад мне вельмі спадабаўся. Ідучы па вёсцы, адчувала, быццам на мяне скіравана ўся добрая энэргія, а я ўбіраю яе ў сябе, — падзялілася ўражаннем удзельніца хроснага ходу Марыя Лаўрыновіч, загадчыца аддзела народнай творчасці раённага Цэнтра культуры. — Прыемна ўразіла, наколькі мясцовым людзям блізкі гэты абрад, як моцна яны чакаюць Прошчу, як радуюцца святому абразу ў сваім двары. Тыя чатыры з паловай гадзіны, што доўжыўся хросны ход, асабіста для мяне праляцелі імгненна.
Завяршылася “Нашэнне Прошчы” зноў жа малебнам ля Паклоннага Крыжа. Жыхары Пятровічаў пачалі новы адлік году — з надзеяй і спадзяваннем, што ўсё ў іх будзе добра.