У нашым раёне, па дадзеных Бабруйскага райсельгасхарчу, гэтым часам актыўна вядзецца падкормка азімай збажыны на зерне — падкормлена 7150 гектараў або 70% ад патрэбы. Працягваюцца ворыўныя работы, унясенне арганікі пад сяўбу — унесена 105 тысяч тон ці 40% ад неабходнага. Да сяўбы ў цэлым падрыхтавана 1200 гектараў плошчаў або 25% ад плану, і гэтая работа ва ўсіх сельгасарганізацыях працягваецца. У двух гаспадарках: ААТ «Міхалёўская Ніва» і ААТ «Саўгас Кісялевічы» ўжо і прыступілі да сяўбы ранняй ярыны — пасеяна 120 гектараў.