Жыхароў сельсавета, якія не маюць афіцыйнага працаўладкавання і прыйшлі папрэтэндаваць на вакантныя месцы, прыйшло на камісію нямала. Прычына, чаму людзі працаздольнага ўзросту засталіся без стабільнага заробку, у асноўным адзіная — неабыякавасць да спіртнога. Таму і рэкамендацыя ад членаў камісіі была прыкладна аднолькавай — памяняць лад жыцця. Тым, хто дадзеную ўмову пагадзіўся прыняць, будзе аказана садзеянне ў працаўладкаванні ў мясцовую сельгасарганізацыю. За тымі, хто вырашыць для сябе асацыяльны лад жыцця працягваць: жыць за кошт родзічаў, састарэлых бацькоў і выпадковых, незаконных заробкаў, а значыць — не ўдзельнічаць у напаўнанні бюджэту раёна і краіны, будзе наладжаны ўзмоцнены кантроль з боку органаў правапарадку і пры парушэнні імі грамадскай дысцыпліны працаздольных беспрацоўных чакае прымусовае лячэнне ад алкаголю.

Тэрмін на выпраўленне адносін да жыцця такім грамадзянам дадзены кароткі. Якое прымуць для сябе рашэнне, пакажа ўжо наступнае пасяджэнне камісіі ў гэтым сельсавеце.

Вяскоўцу, які мае інваліднасць 3-й групы і выказаў жаданне працаўладкавацца, Наталля Пясоцкая парэкамендавала звярнуцца ва ўпраўленне па працы, занятасці і сацабароне райвыканкама з пакетам дакументаў, дзе яму будзе аказана кансультацыйная дапамога, пры неабходнасці будуць прыцягнуты службы, якія пасадзейнічаюць у арганізацыі медкамісіі, каб у выніку чалавека працаўладкаваць, у тым ліку (пры магчымасці) па праграме адаптацыі інвалідаў да працоўнай дзейнасці,  да наймальнікаў як раёна, так і горада Бабруйска.

Жыхару, які вядзе ўласную гаспадарку, жыве з яе, але не аформіў зямлю ва ўласнасць, а значыць, састаіць у спісе беспрацоўных, рэкамендавана неадкладна вырашыць зямельнае  пытанне.