Задача акцыі — праінфармаваць навучэнцаў, іх законных прадстаўнікоў, а таксама жыхароў сельскіх населеных пунктаў пра праблемы, звязаныя з дзіцячай злачыннасцю, і адказнасцю за гэта: крымінальнай, адміністратыўнай, у тым ліку адказнасцю дарослых за выхаванне сваіх дзяцей.
Адметнасць акцыі ў тым, што яна праводзіцца з выкарыстаннем інфармацыйных тэхналогій: перадача інфармацыі адбываецца пасродкам мэсэнджараў: вайбер, бацькоўскія і класныя чаты. Таксама распрацаваны буклеты, інфармацыйныя лісткі для распаўсюджання сярод насельніцтва, інфармацыя змяшчаецца і на стэндах, сайтах і г. д.
Да таго ж, у межах акцыі кіраўнікі ўстаноў адукацыі наведваюць калектывы арганізацый, даводзяць работнікам інфармацыю па прафілактыцы наркаманіі сярод непаўналетніх і наступствах, якія чакаюць тых, хто ўжывае, захоўвае ці распаўсюджвае наркатычныя сродкі.
![](https://www.tribunapracy.by/wp-content/uploads/2022/05/photo_2022-05-23_13-47-51.jpg)
![](https://www.tribunapracy.by/wp-content/uploads/2022/05/photo_2022-05-24_09-36-01.jpg)
![](https://www.tribunapracy.by/wp-content/uploads/2022/05/photo_2022-05-24_10-23-15.jpg)
![](https://www.tribunapracy.by/wp-content/uploads/2022/05/photo_2022-05-24_14-08-45.jpg)