E-mail:
Этот адрес электронной почты защищен от спам-ботов. У вас должен быть включен JavaScript для просмотра.
Режим работы: понедельник-пятница с 8.00 до 13.00, с 14.00 до 17.00
Мемориальный комплекс в д.Сычково в честь воинов 1-го Белорусского фронта и партизан, погибших при освобождении Бобруйского района в июне 1944 года. Возведен 4 ноября 1967 г.
Ежегодно с 2010 года в п.Глуша проходит фестиваль народных промыслов и ремесел «Глушанскі хутарок». С 2018 года фестивалю придан статус регионального
Ежегодный праздник Пушкинской поэзии в аг.Телуша
Чудотворная Горбацевичская икона Божией Матери. Была явлена в начале XVII века в ветвях липового дерева
Сказочная усадьба Деда Мороза в п. Глуша
Агроусадьба «Спадчына» в п. Глуша
Бюст белорусскому писателю Алесю Адамовичу в п.Глуша. Открыт 9 ноября 2019 г.
В 1990 г. в д.Сычково открыт Бобруйский районный музей боевой и трудовой Славы. В 2007 г. музей переименован в учреждение культуры «Бобруйский районный историко-краеведческий музей»
Ландшафтный заказник местного значения – «Дубовский каскад озер». Уникальный по эстетической и природной ценности объект. Площадь 191 га. Охранный режим введен в 1994 г.
На кладбище д.Изюмово расположена каменная часовня - родовая усыпальница графского рода Забелло. Построена из бутового камня в 1905-1907 гг.
Река Березина с высоты птичьего полета
Приход Свято-Никольского храма в аг.Телуша. Построен в начале XX в. на средства Натальи Александровны Пушкиной
Скульптурная композиция в д.Щатково в честь воинов-освободителей и успешной переправы через р.Березина в июне 1944 г. Установлена 20.06.1986
Военно-историческая реконструкция Бобруйской наступательной операции возле д.Щатково
Апошнім днём капання стаў панядзелак 11-га кастрычніка. Пабываўшы на той час на бульбяных палетках гаспадаркі, надзвычай пашкадавала, што абмежаваныя магчымасці фотаапарата не дазволілі аб’ектыву ахапіць адначасова ўвесь фронт работ, якія вяліся непадалёк ад вёскі Пустошка, перадаць іх накал.
Карціна сапраўды заварожвала — чатыры бульбаўборачныя камбайны, прыкладна на адным узроўні, размерана-упэўнена рухаліся па полі, падмінаючы пад сябе набраклыя рады з бульбай. Густа напаўнялі транспарцёр чыстымі на выгляд клубнямі, якія далей, пасля рэвізіі памагатых камбайнераў, дружна перапраўляліся ў бункеры ўборачных машын і прыкладна пасля круга хады — у кузаў МАЗаў, чакаць якія не даводзілася ні хвіліны: стаялі напагатове.
— Працуюць тры нямецкія бульбаўборачныя камбайны, з якіх два GRIMME SЕ 150-60 і адзін GRIMME SЕ 260, а таксама айчынны камбайн ККБ-2. На першым месцы па колькасці накапаных клубняў экіпаж у складзе камбайнера Балыкі Віктара Віктаравіча і памочніка камбайнера Аляксандра Мікалаевіча Шамака. Другі паказчык у Міхаіла Лявонавіча Чарнова і Максіма Уладзіміравіча Грака. Таксама ў полі экіпажы камбайнаў пад кіраўніцтвам Сяргея Яўгенавіча Камлёва і Сяргея Іванавіча Дайнекі, — уводзіць у курс справы начальнік вытворчага ўчастка №2 Васіль Васільевіч Марозаў.
На адвозцы бульбы было задзейнічана 8 адзінак тэхнікі, на кожны камбайн — па дзве. Лідарства па аб’ёмах перавезенага ўраджаю, як нам паведамілі, за вадзіцелем МАЗа Сяргеем Канстанцінавічам Педанам — 2182 т. У ліку кіроўцаў МАЗаў у гэты дзень засталі таксама Аляксандра Уладзіміравіча Дайнеку, Віктара Віктаравіча Шэвялёва, Уладзіміра Мікалаевіча Шэпялевіча.
Сяргей Педан
Віктар Шэвялёў
Уладзімір Шэпялевіч
Віктар Балыка
Аляксандр Парахневіч і Васіль Марозаў
— Тэхнікі для перавозкі бульбы — з запасам, каб камбайнам не даводзілася чакаць, не прастойвалі, — далучаецца да размовы намеснік старшыні СВК па раслінаводстве Аляксандр Аляксандравіч Парахневіч. — Дакладную ж колькасць перавозчыкаў вызначае даўжыня адлегласці ад поля да бульбасховішча, куды ўраджай звозіцца. Калі поле паблізу — абыходзімся толькі МАЗамі, калі далекавата, як сёння, падключаем трактары.
Ад яго ж дазналіся, што жоўтыя, ладныя на выгляд, авальнай формы клубні — знакаміты гатунак беларускай селекцыі “Брыз”. Сёлета ён, як і іншая бульба, — ураджайны, і не беспадстаўна: тэхналагічны ланцуг у гаспадарцы не маюць звычкі парушаць.
— Падрыхтоўку бульбяных палёў пачынаем яшчэ з восені, — удакладняе галоўны аграном Уладзімір Залужны. — Дзень-два пасля ўборкі культуры пераключымся на прывядзенне ў парадак тэхнікі, што была задзейнічана, і возьмемся за закладку ўраджаю другога хлеба беларусаў на будучы год — унясеннем у глебу арганічных угнаенняў, хлорыстага калію, заворваннем палёў. Веснавое ворыва ў гэтых мэтах не практыкуем: спяшаемся застаць вільгаць, таму адразу прыступаем да нарэзкі барознаў.
Што да гатунку “Брыз”, то ён, па словах Уладзіміра Аляксандравіча, — у аснове бульбянога складу гаспадаркі, сёлета ім было засаджана прыкладна 90% плошчаў. З іншых гатункаў, якія выкарыстоўваюць, — “Маніфест”, “Рэд Скарлет”, “Каралева Ганна”. Сабраны ўраджай, перш чым пакласці на захаванне, праходзіць праз сартоўку. Па словах загадчыка бульбасховішча Дзмітрыя Шэпялевіча, які не першы год кантралюе працэс сартоўкі, клубні з палёў сёлета паступаюць прыгожымі, чыстымі, добрай якасці.
Міхаіл Чарноў і Максім Грак
Алена Жаркова, Вераніка Сакун і Ірына Міроненка
Дзмітрый Шэпялевіч і аператар прыёмнага бункера Дзмітрый Аўрамчык
— Першапачаткова сартуем бульбу на тры фракцыі: буйная харчовая, насенная і дробная, — паказвае сваю гаспадарку загадчык.
— Буйную на ленце перад закладкай падсобныя работнікі (у гэты дзень Алена Жаркова, Вераніка Сакун і Ірына Міроненка) ачышчаюць ад смецця, камянёў, пашкоджанасці, якая можа трапіцца. Харчовую бульбу непасрэдна перад продажам перабіраем дадаткова, каб пакупнік атрымаў высокаякасную прадукцыю.
Але ж атрымаць добры ўраджай — адна справа. Другая, не менш значная — з выгадай яго рэалізаваць. У “Гіганце” гэта разумеюць, таму перш чым прадаць, абдумваюць, пралічваюць…
— Недахопу ў пакупніках няма, — кажа старшыня СВК Васіль Пятровіч Жук. — Але тая цана, што на гэтую пару прапаноўваюць, не надта нас задавальняе, таму чакаем, не спяшаемся. Тым болей што ўмовы захаваць бульбу ёсць.
У цэлым жа, па словах Васіля Жука, ураджай “Гігант” атрымаў нядрэнны (накапалі 10 752 тоны пры сярэдняй ураджайнасці 269 ц/га). Але ж не той, каб заспакоіцца.
— Імкнуцца ёсць да чаго. На наступны год паставілі сабе задачу — выйсці на 12 тысяч тон. Час дазваляе падрыхтавацца да гэтага — будзем прапрацоўваць усе варыянты, карэкціраваць мерапрыемствы з улікам кліматычных умоў.