Паўсюдна заняты і ўборкай кукурузы на сілас і зялёны корм. У цэлым па раёне расліна ўбрана з плошчы 2 175 гектараў (55% ад задання) пры сярэдняй ураджайнасці 280 цэнтнераў з гектара, сіласу нарыхтавана болей за 42 500 тон. Пры гэтым у СВК «Гігант» ураджайнасць 386 ц/га, у філіяле «Харчавік-Агра» ААТ «Чырвоны харчавік АграСэрвіс», дзе гэты від уборкі завершаны, — 300 ц/га.
Бульба ў раёне выкапана на плошчы 174 гектары (пасаджана было 525 га, з іх 400 — у «Гіганце»). Сярэдняя ўраджайнасць культуры на гэтую пару складае 291 ц/га.
Цукровых буракоў убрана 93 гектары з 550 неабходных. Убіраюць караняплоды як у ААТ «Міхалёўская Ніва» — ураджайнасць 310 ц/га, так і ў ААТ «Неўскі-Агра» — 380 ц/га.
Вядзецца таксама ўборка грэчкі. З 265 гектараў убрана 90.