17 студзеня адбылося пасяджэнне раённай выбарчай камісіі, дзе было разгледжана пытанне рэгістрацыі дадзеных ініцыятыўных груп i прынята рашэнне — усе ix зарэгістраваць: неабходныя дакументы ва ўcix зроблены правільна i пададзены ў час. Такім чынам, пачынаецца другі этап — збор подпісаў членамі ініцыятыўных груп у падтрымку свайго кандыдата. Другім важным пытаннем стала ўзгадненне стварэння участкаў для галасавання на тэрыторыі раёна. Па прадстаўленні Бабруйскага раённага выканаўчага камітэта было прынята рашэнне па ўзгадненні стварэння 20-цi такіх участкаў i ўстановлена ix адзіная нумарацыя.
Пры гэтым вылучэнне кандыдатаў у дэпутаты раённага Савета дэпутатаў, як адзначыў Валерый Казлоў, працягваецца. Магчымасць зрабіць гэта ёсць у тых, хто вылучаецца шляхам сходаў працоўных калектываў або рашэннем кіруючых органаў палітычных партый.
Пасля стварэння ўчасткаў для галасавання пачнецца яшчэ адзін важны этап — стварэнне ўчастковых выбарчых камісій, членамі якіх могуць быць прадстаўнікі палітычных партый, грамадскіх аб’яднанняў, працоўных калектываў, а таксама грамадзяне шляхам збору подпісаў.
Па матэрыялах грамадска-палітычнай газеты «Трыбуна працы»
