Азімага рапсу, па словах агранома, запланавана пасеяць 500 гектараў, у тым ліку 300 — на зерне. На дзень пятніцы палова з запланаванага была пасеяна, да 25-га жніўня, у адпаведнасці з тэхналагічнымі патрабаваннямі, збіраліся пасеяць культуру. Падрыхтоўкай глебы пад рапс займаўся Юрый Яўгенавіч Арцёменка, ворыўнымі работамі — Сяргей Анатольевіч Кафідаў. Пад гэтую азімую культуру ў гаспадарцы адвялі 7-8 палёў. 200 га — не меней мінулагодніх плошчаў, будзе засеяна гібрыдамі, якія сёлета далі па 24-25 ц/га.
Сеюць азімы рапс механізатар Леанід Чэрнік на трактары МТЗ-3522 з сеялкай Рабе-6…
…і Васіль Кушавараў, чыя тэхніка — МТЗ-1221 у звязцы з сеялкай СПУ-6
Тэрмін сяўбы аптымальны, тэхнікі і людзей для яе правядзення дастаткова. Задзел пад будучы ўраджай рапсу зрабілі, як лічаць у гаспадарцы, добры — унеслі фосфарныя і калійныя ўгнаенні, так што глеба, як тое і патрабуецца, уздоблена. Садзейнічае пасяўной і надвор’е.