Рэарганізацыя бабруйскага прадпрыемства адбылася на падставе рашэння Магілёўскага аблспажыўсаюза ў мэтах аптымізацыі структур спажывецкай кааперацыі.
Цяпер на Бабруйшчыне будзе адасобленае структурнае падраздзяленне аб’яднанага Кіраўскага райспажыўтаварыства.
Якія змены ад рэарганізацыі чакаюць наш раён? Намеснік старшыні Бабруйскага райвыканкама Марына Тарэлкіна заўважае, што асабліва ніякіх — скарачэння гандлёвых кропак і супрацоўнікаў не плануецца. Што тычыцца падаткаў, то як і раней, у даход раённага бюджэту будуць залічвацца падаходны падатак з заработнай платы работнікаў, якія працуюць у гандлёвых аб’ектах раёна, а таксама падаткі на ўласнасць.