Працягваецца сяўба азімай збажыны. Пасеяна, у цэлым па раёне, больш за палову запланаваных плошчаў. У філіяле “Харчавік-Агра” дадзены від палявых работ набліжаецца да завяршэння.
Сярод асноўных восеньскіх спраў — капанне бульбы. У “Гіганце”, дзе пад культуру занята 400 гектараў (у цэлым па раёне 550 га), пятая частка плошчаў убрана. Накапана 1580 тон пры сярэдняй ураджайнасці 220 ц/га.
У ААТ “Неўскі-Агра” і “Міхалёўская Ніва” працягваюць убіраць цукровыя буракі. У цэлым убрана 175 гектараў ці прыкладна трэць плошчаў. Ураджайнасць у “Неўскім-Агра”, па апошніх дадзеных, 390 ц/га, у “Міхалёўскай Ніве” — 310. З накапаных 5915 тон пераважная частка салодкіх караняплодаў пастаўлена на перапрацоўку.
Па матэрыялах грамадска-палітычнай газеты “Трыбуна працы”