Удзел у ім прынялі дзве вучаніцы Варатынскай сярэдняй школы: 3-класніца Ксенія Зубовіч з агучанай аніміраванай гісторыяй «Баран, які не ведаў правілаў дарожнага руху» (узнагароджана дыпломам 2-й ступені), і 5-класніца Вера Бабкова з віктарынай «Падарожнічай па Беларусі» (дыплом 3-й ступені).
Навуковым кіраўніком і ў Ксеніі, і ў Веры была настаўнік інфарматыкі Вольга Анатольеўна Счасновіч.
Перамогі ў Міжнародным конкурсе
3 мая ў сталічнай гімназіі № 174 прайшла штогодная, сёлета — 11-я, міжнародная навукова-практычная канферэнцыя па тэме «Вялікая Айчынная вайна 1941-1945 гадоў у гістарычнай памяці савецкага народа».
Актыўны ўдзел у мерапрыемстве прынялі вучні нашага раёна, у прыватнасці Брожскай СШ і Міхалёўскага ВПК «Дз/сад-СШ». І не безвынікова. Навучэнка 11 класа Грышчанка Дзіяна з Брожскай СШ узнагароджана дыпломам 2-й ступені (навуковы кіраўнік — настаўнік гісторыі і грамадазнаўства Ю.У. Федзяніна), а 9-класніца Міхалёўскага ВПК Альбіна Цэд — граматай за выніковы ўдзел (навуковы кіраўнік Т.В. Кандрацьева).
Зрэшты, вучні Тамары Васільеўны, як паведамілі ў раённым Вучэбна-метадычным кабінеце, кожны год удзельнічаюць у конкурсах міжнароднага і абласнога ўзроўняў па тэме Вялікай Айчыннай вайны, арганізацыі падпольнага і партызанскага руху на тэрыторыі Бабруйшчыны.
Адзначана дыпломам 1-й ступені
Дзевяцікласніца Альбіна Цэд з Міхалёўскага ВПК «Дз/сад-СШ» і яе навуковы кіраўнік Тамара Васільеўна Кандрацьева ўчора прынялі ўдзел у яшчэ адной Міжнароднай навукова-практычнай канферэнцыі даследчых работ навучэнцаў на тэму «Аперацыя «Баграціён» — Пралог Вялікай Перамогі», якая прайшла на базе Беларуска-расійскага ўніверсітэту ў Магілёве.
А сёння мы з прыемнасцю паведамляем, што па выніках канферэнцыі раённая школьніца ўдастоена Дыплома 1 ступені. Тэма работы Альбіны — «Салдаты стальных магістраляў» (дыверсійная дзейнасць падпольшчыкаў і партызан на чыгуначных пуцях Бабруйскага раёна ў гады Вялікай Айчыннай вайны).