Вынікі конкурсу падведзены. У ліку тых, чые работы ўдастоіліся 1 месца — Ілья Брэдус, Дар’я Бяржаніна i Яна Алешанкова з Глушанскага ВПК, Андрэй Кашперка з Хімоўскага, Аляксей Шпак з Цялушскага ВПК (педагог А.Шпак) i навучэнка Цэнтра творчасці раёна Юлія Смарчок (педагог А.Смарчок).
2-е месца занялі работы: Раісы Алісеенка з Туголліцкай СШ (педагог А.Смарчок), Марыі Грыдзюшка з Туркоўскай (педагог С.Кузьміна), Івана Грыня з Каменскай, Аляксея Шпака з Цялушскага і Дзмітрыя Смарчка. Яшчэ адна работа Юліі Смарчок заняла 3 месца.
Конкурс «АрхНавацыя» праводзіўся з мэтай павышэння цікавасці да архітэктуры роднага краю, удасканалення грамадзянска-патрыятычнага выхавання падрастаючага пакалення, папулярызацыі выяўленчай i дэкаратыўна-прыкладной творчасці.
Пераможцы раённай выставы «АрхНавацыя-2013» узнагароджваюцца дыпломамі Цэнтра творчасці раёна, a ix работы прымуць удзел у аднайменнай рэспубліканскай выставе, якая на працягу месяца — з 29 кастрычніка да 30 лістапада, будзе праводзіцца ў выставачнай зале Нацыянальнага Цэнтра мастацкай творчасці дзяцей i моладзі.
Цэнтр творчасці Бабруйскага раёна