Па словах начальніка вытворчага аддзела райсельгасхарчу Жаны Жукоўскай, вядзецца сяўба ўсіх відаў ранніх збожжавых культур — аўсу, ячменю, у філіяле «Харчавік-Агра» ААТ «Чырвоны харчавік» — ужо і пшаніцы, зернебабовых. У акцыянерных таварыствах «Міхалёўская Ніва» і «Неўскі-Агра», дзе традыцыйна займаюцца вырошчваннем цукровых буракоў, уносяць у глебу насенне і гэтай культуры.
Адначасова вядзецца догляд пасеваў. Завершана падкормка азімай збажыны, першая падкормка азімага рапсу — у асобных гаспадарках прыступілі да другой. Акрамя таго, сельгасарганізацыі актыўна набываюць насенне кукурузы, каб ужо праз некалькі дзён прыступіць да пасеву і гэтай культуры.