Акрамя таго, гаспадаркі прыступаюць да ўборкі караняплодаў, убіраюць кармавыя з іх. У асобных сельгасарганізацыях, у тым ліку СВК «Гігант», пачалі капаць бульбу. Гаварыць пра ўраджайнасць «другога хлеба» беларусаў пакуль рана: убіраюцца раннія, меней ураджайныя, гатункі. Але ўжо і на сёння ў тым жа «Гіганце» з аднаго круга бяруць 435 цэнтнераў бульбы, у СВК «Калгас імя А. Неўскага» — 300. У сярэднім паказчыкі нядрэнныя.
Рыхтуюцца ў сельгасарганізацыях і да ўборкі цукровых буракоў. Практычна ва ўсіх вядзецца нарыхтоўка кукурузнага сіласу. Апошняга, у цэлым па раёне, нарыхтавана каля 30 тыс тон, або пятая частка ад плану. У СВК «Гігант» ужо ўбралі грэчку. Да ўборкі гэтай культуры прыступаюць таксама ў БТАА «Амега-Люкс», у хуткім часе прыступяць у ААТ «Саўгас Кісялевічы» і бабруйскім ААТ «Аграмашсервіс».
Па матэрыялах грамадска-палітычнай газеты «Трыбуна працы»