На павестцы дня стаяла 4 пытанні — аб рэгістрацыі кандыдатаў у дэпутаты, аб бюлетэні па выбарах дэпутата, аб спосабе інфармавання выбаршчыкаў пра даходы і маёмасць кандыдатаў у дэпутаты і правядзенні жараб’ёўкі па размеркаванні эфірнага часу паміж кандыдатамі ў дэпутаты для выступу ў эфіры радыёстанцыі “Радыё Магілёў”.
Рашэннем камісіі кандыдатамі ў дэпутаты раённага Савета дэпутатаў новага склікання зарэгістраваны 72 чалавекі. Тым з іх, хто прысутнічаў, былі ўручаны адпаведныя пасведчанні. Таксама камісія прыняла рашэнне інфармаваць выбаршчыкаў пра даходы і маёмасць кандыдатаў у дэпутаты праз Бабруйскую раённую газету. Правяла жараб’ёўку па размеркаванні эфірнага часу паміж кандыдатамі ў дэпутаты для 3-хвіліннага выступу ў эфіры радыёстанцыі “Радыё Магілёў” 5 лютага.
***
Аналагічныя пытанні абмеркавалі ў гэты дзень і члены акружной выбарчай камісіі Бабруйскай сельскай выбарчай акругі №2. На пасяджэнні прысутнічалі Аляксандр Навумчык, Таццяна Варанко, у якасці назіральніка — Валерыя Тарасава ад грамадскай арганізацыі “Белая Русь”.
У адпаведнасці з рашэннем камісіі, кандыдатамі ў дэпутаты Магілёўскага аблсавета дэпутатаў па Бабруйскай сельскай выбарчай акрузе №2 зарэгістраваны Андрэй Мікалаевіч Цвірко, дырэктар ДЛГУ “Бабруйскі лясгас”, і Дзяніс Мікалаевіч Прышчэпа — дырэктар ПГУП “Белгандальптушка”. Кожнаму з іх выдадзена пасведчанне кандыдата ў дэпутаты і, у адпаведнасці з праведзенай жараб’ёўкай, вылучаны час (22 студзеня) для выступу ў эфіры радыёстанцыі “Радыё Магілёў” .
