Russian Belarusian Chinese (Simplified) English French German
logo

Адрес: 213809 г. Бобруйск, ул. Пушкина, 215а

Телефон приемной: 8 (0225) 74-99-41

E-mail: Этот адрес электронной почты защищен от спам-ботов. У вас должен быть включен JavaScript для просмотра.

Режим работы: понедельник-пятница с 8.00 до 13.00, с 14.00 до 17.00

Воскресенье, 17 Апрель 2022 19:25

У Магілёве стартаваў фестываль народнай творчасці, які адкрыў Бабруйскі раён

У Магілёве стартаваў  фестываль народнай творчасці «Беларусь родная, музычная, народная», прымеркаваны да Года гістарычнай памяці. Ён праходзіць на базе Магілёўскага абласнога метадычнага Цэнтра народнай творчасці і культурна-асветнай працы. Адкрыў шэраг прэзентацый у рамках фестывалю Бабруйскі раён.

Падчас святочнага мерапрыемства, якое адбылося ўчора, 14 красавіка, прайшоў канцэрт з удзелам лепшых творчых калектываў і індывідуальных выканаўцаў, выстава майстроў народнай творчасці, выстава страў нацыянальнай кухні.

Яскравае дзейства прыцягвала гледачоў і слухачоў амаль з парога. На пляцоўцы перад Магілёўскім абласным метадычным Цэнтрам творчыя калектывы Бабруйскага раёна сустракалі гасцей выступленнямі народнага хора работнікаў культуры, народнага ансамбля народнай песні “Пярэзвы” раённага Цэнтра культуры; народнага ансамбля народнай песні “Землякі” Гарбацэвічскага сельскага Дома культуры.

У фае Цэнтра ў гэты час панавала атмасфера сапраўднага беларускага свята: гучала жывая народная музыка ў выкананні народнага ансамбля народных інструментаў раённага Цэнтра культуры, развярнулася выстава-прэзентацыя майстроў народнай творчасці, якую прадставілі майстры узорнага калектыва ганчарнага мастацтва “Глечыкі”, народнага аматарскага аб’яднання дэкаратыўна-прыкладнога мастацтва “Стары майстар” Цэнтра рамёстваў п. Глуша, Пятровічскага Дома народнай творчасці, Гарохаўскага Дома народнай творчасці, Ленінскага сельскага клуба, Рэдкарожскага сельскага Дома культуры.

Галоўны падарунак усім аматарам народнай творчасці быў падрыхтаваны ў актавай зале, дзе на працягу некалькіх гадзін ішла цікавая і вельмі насычаная канцэртная праграма. Пачалася яна з вакальна-харэаграфічнай кампазіцыі “Спадчына” ў выкананні ўзорнага ансамбля танца “Забава”, народнага хора работнікаў культуры, народнага ансамбля народнай песні “Пярэзвы” раённага Цэнтра культуры.

Творчая прэзентацыя Цэнтралізаванай клубнай сістэмы Бабруйскага раёна атрымалася сапраўды відовішчнай і цікавай і дазволіла дакрануцца да сапраўднай народнай творчасці Бабруйшчыны.

Дарэчы, фестываль працягнецца да лістапада 2023 года. За гэты час адбудуцца творчыя прэзентацыі раённых цэнтралізаваных клубных, бібліятэчных сістэм, дзіцячых школ мастацтваў, устаноў культуры клубнага тыпу. Яны будуць прадстаўлены ў форме святаў творчасці, тэатралізаваных і тэматычных канцэртаў і выстаў.

 

Фота mogomc.by, mogilevnews.by.

Прочитано 49 раз
ЗанятостьТуризм и отдых Лицензирование Туристическая карта Бобруйского района Трудоустройство молодежи в свободное от учебы время   Берегите жизнь! Здоровые города и поселки Календарь культурно-познавательных мероприятий
Система Orphus
© 2013 г. Бобруйский районный исполнительный комитет
Разработка и поддержка: КУП «МОЦИС», г. Могилев.