Як паведаміла валеолаг установы Ларыса Колесава, мерапрыемства надзвычай неабходнае для раённых жыхароў: дазваляе звярнуць увагу людзей на гэтую даволі распаўсюджаную і небяспечную хваробу, зачастую — выявіць яе, а таксама атрымаць кансультацыю спецыяліста, як папярэдзіць дыябет. Падчас акцыі яе ўдзельнікам вымяралі артэрыяльны ціск, вызначалі індэкс масы цела, узровень цукру ў крыві, кансультавалі адносна харчавання пры дыябеце розных тыпаў і па прафілактыцы захворвання.
Вяскоўцы, па словах валеолага, актыўна адгукнуліся на заклік прыняць удзел у мерапрыемстве. На час нашага наведвання ў спісе тых, хто ўжо паўдзельнічаў, значылася каля 40 чалавек. Многія з іх наведаліся ў паліклініку спецыяльна для гэтай мэты.
Па матэрыялах грамадска-палітычнай газеты «Трыбуна працы»