Ад галіновай прафсаюзнай арганізацыі лісты ўдзячнасці і падарункі за высокія паказчыкі на ўборцы ўраджаю збажыны атрымалі першы ў раёне вадзіцель-тысячнік з ліку моладзі Аляксандр Дайнэка з СВК “Гігант” (члена моладзевай арганізацыі павіншаваў таксама і РК ГА “БРСМ”, падарунак уручыла галоўны бухгалтар райкама Святлана Пілікіна), камбайнер-тысячнік гаспадаркі Уладзімір Зуб (Лексіон-580), вадзіцелі ААТ “Неўскі-Агра” Уладзімір Міхайлоўскі і Вячаслаў Балыка, ААТ “Міхалёўская Ніва” — Васіль Шырокі і Сяргей Шырокі, а таксама вадзіцель ААТ “Саўгас Кісялевічы” Алег Дзікі.
Аляксандр Дайнэка
Уладзімір Зуб
Вячаслаў Балыка
Уладзімір Міхайлоўскі
Алег Дзікі
Падзякаваць і падтрымаць удзельнікаў жніва на Бабруйшчыну прыехала і старшыня Магілёўскай абласной арганізацыі прафсаюза галін прамысловасці “Белпрафмаш” Валянціна Шышко. Лісты ўдзячнасці і грашовыя прэміі ад прамыслоўцаў вобласці яна ўручыла звяну аператараў зернесушыльнага комплекса СВК “Гігант” Сяргею Цімковічу, Аляксандру Грабко, Мікалаю Шэпялевічу і Сяргею Шэпялевічу, экіпажу зернеўборачнага камбайна ААТ “Міхалёўская Ніва” — старшаму камбайнеру Анатолю Кукабака і камбайнеру Івану Шынкарэнка, а таксама вадзіцелю ААТ “Саўгас Кісялевічы” Алегу Дзікаму.
Аляксандр Грабко
Анатоль Кукабака (справа) і Іван Шынкарэнка
Сяргей Цімковіч
Словы падзякі людзям, якія ад ранку да позняга вечара заняты на ўборцы збажыны — робяць усё ад іх магчымае, каб на полі не засталося ніводнага зерня, а краіна была забяспечана хлебам, выказаў таксама намеснік начальніка райсельгасхарчу Аляксандр Каўранін.