Не ўпершыню прысутнічаючы на «вочных» і «завочных» сустрэчах Уладзіміра Уладзіміравіча з насельніцтвам, з разуменнем ставілася да таго, што літаральна ўсе пытанні ў яго адрас, да нядаўняга — галавы медыцыны бабруйшчыны, датычыліся менавіта гэтай галіны. Натуральным было і тое, што выключна ўсе, хто патэлефанаваў учора, цікавіліся тэмай каронавірусу.
У прыватнасці, якая сітуацыя па хваробе на Бабруйшчыне? Ці дастаткова ў медустановах апаратаў штучнай вентыляцыі лёгкіх? Колькі рэзервовых месцаў прадугледжана на выпадак пашыранасці распаўсюду каронавірусу? Як паводзіць сябе родным, якія вярнуліся ў сям’ю з-за мяжы? Як атрымаць рэцэпт на пастаянныя (ад хранічных захворванняў) лекі пажылому чалавеку, які знаходзіцца на самаізаляцыі? Наколькі небяспечная хвароба дзецям, ці варта абмяжоўваць іх у прагулках? Якія прадукты ўключаць у рацыён для павышэння імунітэту?
На ўсе пытанні Уладзімір Гацко даў аргументаваныя адказы. Падрабязнасці — чытайце ў суботнім нумары раённай газеты.
Што датычыцца сітуацыі з хваробай на Бабруйшчыне, то па стану на 6 красавіка, як ён адзначыў, у гарадской інфекцыйнай бальніцы знаходзіцца 7 пацыентаў, хворых на каранавірус. З іх 1 — жыхар Бабруйска, 6 — з блізляжачых раёнаў. Стан усіх стабільны, у апаратах штучнай вентыляцыі лёгкіх патрэбы не маюць.