У «Аграмашсервісе», як адзначыў у канцы стартавага ўборачнага дня галоўны аграном гаспадаркі Андрэй Рыгоравіч Чорны, першыя зжатыя гектары (14-15 ц/га) далі зразумець, што ўраджай сёлета хоць і невысокі, але лепшы, чым у папярэднім засушлівым годзе. Пад азімую культуру тут занята 200 гектараў. На чале ўборачных экіпажаў — Аляксандр Барысавіч Нічыпаловіч і Віталь Валер’евіч Падшывалаў. На адвозцы масланасення заняты Іван Уладзіміравіч Еўстратчык і Юрый Іванавіч Ілішка.
У цэлым жа па раёне вынікі першага ўборачнага дня — 13 цэнтнераў з аднаго гектара. У райсельгасхарчы ўпэўнены, што ў далейшым яны будуць лепшымі.