Добра арганізавана сяўба ў СВК «Гігант», філіялах «Варатынь» РУП «БЗТДіА» і «Харчавік-Агра» ААТ «Чырвоны харчавік». Зладжана працуюць у СВК «Калгас імя А. Неўскага» і ААТ «Саўгас «Кісялевічы». Ніжэйшыя тэмпы сяўбы ў СВК «Калгас імя Дзяржынскага» і ААТ «Агракамбінат «Бабруйскі». Але без дапамогі гэтыя гаспадаркі не застануцца. Звычайна ім дапамагаюць іншыя, пасля таго, як скончаць сеяць у сябе.
У сельгасарганізацыях таксама вядзецца ўборка кукурузы на сілас. Для гэтых мэт у нас маецца 40 кормаўборачных комплексаў: чатыры «Ягуары», столькі ж «ДжонДзіраў» і наш айчынны комплекс КВК 800 у філіяле «Варатынь». Астатнія — комплексы КГ6 «Палессе», якія выкарыстоўваюць як для ўборкі кукурузы на сілас, так і для касьбы падкормкі для жывёлы. На раніцу 13.09.2013г. больш трэці плошчаў кукурузы на сілас ужо ўбрана, ураджай сёлета атрымалі нядрэнны.
І ўжо хутка гаспадаркі будуць актыўна займацца ўборкай кукурузы на зерне, пад якую ў раёне занята 2185 га. Для гэтага тэхнікі таксама дастаткова: маецца 17 спецыяльных прыставак на зернеўборачныя камбайны КЗС-10. Вобласцю выдзелена дадаткова яшчэ адна прыстаўка. Яе вырашана накіраваць у філіял «Харчавік-Агра».
Па матэрыялах грамадска-палітычнай газеты «Трыбуна працы»