БОЛБАС МАКСІМ ФЁДАРАВІЧ
(1918 – 1997)
Доктар эканамічных навук (1984)
Прафесар (1985).
Нарадзіўся 1 ліпеня 1918 г. ў в. Слабодка.
З 1934 г. на педагагічнай рабоце у Клічаўскім раёне, ў Камчацкай вобл.
У 1948 г. скончыў БДУ.
У Вялікую Айчынную вайну быў членам Брожскага падполля, потым стаў партызанам атрада імя Кірава 37 –й брыгады імя Пархоменкі. Паводле ўспамінаў М.Храпко і Ф.Цапко, “цяжка было знайсці ў атрадзе больш адважнага хлопца. Ён удзельнічаў у адзінаццаці баях па разгроме варожых гарнізонаў, хадзіў на “жалезку”, падарваў чатыры аўтамашыны з салдатамі, двойчы быў паранены”.
З 1944 г. быў дырэктарам школ у былой Баранавіцкай вобл., выкладчыкам Бабруйскага педвучылішча, Беларускай сельскагаспадарчай акадэміі, старшы навуковы супрацоўнік Інстытута эканомікі Акадэміі навук Беларусі.
З 1968 г. у Брэсцкім інжынерна-будаўнічым інстытуце. Даследаваў эканамічную гісторыю Беларусі, гісторыю прамысловасці ў дарэвалюцыйны перыяд.
Памёр 1 красавіка 1997 г.