У святочна аформленай гандлёвай зале старшыня абласнога аддзялення Саюза пісьменнікаў Беларусі Алесь Казека, намеснік галоўнага рэдактара інфармацыйнага агенцтва «Магілёўскія ведамасці» Яўген Булава і паэтка Вольга Бялова расказалі пра значнасць роднай мовы, якая робіць нас незалежнымі, дужымі, паважанымі. Госці падзяліліся творчымі планамі, пошукамі, адказалі на пытанні. Выступленні суправаджаліся яскравымі відэапрэзентацыямі.
Міжнародны дзень роднай мовы адзначаецца ў свеце 21 лютага. Менавіта ў гэты дзень у 1957 годзе ў тагачасным Пакістане былі растраляны ўдзельнікі дэманстрацыі ў абарону роднай мовы бенгалі. Праз 20 гадоў правінцыя Бангладэш стала асобнай дзяржавай, а ў 1999 годзе ЮНЕСКА абвясціла 21 лютага Міжнародным днём роднай мовы. Адзначаецца з лютага 2000 года з мэтай спрыяння моўнай і культурнай разнастайнасці.