Асноўнае пытанне сярод тых, што абмяркоўваліся, тычылася нацыянальнай турыстычнай індустрыі, забеспячэння даступнасці паслуг па арганізацыі ўнутранага турызму для беларусаў, бязвізавага парадку ўезду ў краіну. Акцэнтавалася ўвага на фінансавай граматнасці грамадзян. Не абыйшлі ў размове актуальную на гэтую пару тэму бяспекі дарослых і дзяцей у месцах масавага адпачынку і адказнасці грамадзян за ўчыненыя там правапарушэнні. Таксама была завострана ўвага на прымяненні тарыфаў на аплату звадкаванага балоннага газу для насельніцтва, у тым ліку дачнікаў і асоб, якія не зарэгістраваны ў сельскіх домаўладаннях.
Размовы, як заўжды, атрымаліся двухбаковымі. Хвалюючыя пытанні інфарматарам задалі і вяскоўцы. На пераважную частку з іх адказы дадзены непасрэдна падчас сустрэч, іншыя ўзяты на кантроль.