Ва ўсіх школах ужо арганізаваны адпачынак дзяцей у лагерах дзённага знаходжання. Усяго такім відам адпачынку плануецца ахапіць 567 чалавек. У Бортнікаўскай, Варатынскай сярэдніх школах і Ленінскім ВПК «Дзіцячы сад-школа» будуць створаны лагеры працы і адпачынку, у іх разлічваем задзейнічаць 37 навучэнцаў. На базе «Бабраняці» будзе створаны лагер фізкультурна-спартыўнага профілю на 33 чалавекі. Да таго ж, ва ўсіх школах у летнюю пару да 21 гадзіны, пад наглядам адказных асоб, будуць працаваць стадыёны, гурткі па інтарэсах. Акрамя таго, у школах арганізаваны зводныя валанцёрскія атрады, атрады міласэрнасці, якія будуць займацца аказаннем розных відаў дапамогі.
Вядома ж, сёлета, як і ў мінулыя гады, не застануцца па-за ўвагай навучэнцы, якія значацца на розных відах уліку. Яны ўсе без выключэння будуць ахоплены летнім аздараўленнем. Выхаванцы Міхалёўскага сацыяльнага прытулку адпачнуць у «Бабраняці». Такім чынам, летнім аздараўленнем сёлета плануем ахапіць 734 навучэнцаў, што складае болей 50 працэнтаў ад агульнай іх колькасці.
Па матэрыялах грамадска-палітычнай газеты «Трыбуна працы»