Дадзены факт, вядома ж, не застаўся без увагі райкама галіновага прафсаюза і ўпраўлення па сельскай гаспадарцы і харчаванні райвыканкама, кіраўнікі якіх — Надзея Дудаль і  Аляксей Жураўлёў, а таксама спецыяліст упраўлення Андрэй Целяпень і намеснік дырэктара па ідэалогіі, кадрах і сацыяльным развіцці  агракамбіната Аляксей Піскун у аўторак павіншавалі перадавіка вытворчасці з дасягнутымі вынікамі на адвозцы зерня, падзякавалі за працу, надзвычайную выкладку сіл і энергіі і, па традыцыі, ўручылі хлебаробу ліст удзячнасці і падарункі.

Васіль Міхайлавіч, які ў гэты час якраз пад’ехаў з ураджаем на зернесушыльны комплекс гаспадаркі, не хавае задавальнення ад сустрэчы. Запаветную тысячу, як кажа, перавёз упершыню за сорак гадоў працы на сельгасвытворчасці. І справа тут зусім не ў прафесійнай кампетэнцыі.

— Толькі другі сезон як працую на МАЗе, — расказвае субяседнік. — Адчуваць сябе тысячнікам, вядома ж, прыемна. Тым болей што прафесію сваю люблю, і нават калі б прыйшлося пачаць усё спачатку — справе жыцця не здрадзіў бы.  

***

У чацвер ўзнагарод Бабруйскага райкама прафсаюза работнікаў АПК за сумленную працу і высокія дасягненні на жніве ўдастоіліся хлебаробы-тысячнікі ААТ “Неўскі-Агра” — экіпаж зернеўборачнага камбайна ў складзе камбайнера Юрыя Яўгенавіча Арцёменка і памочніка Сяргея Іванавіча Сакуна, а таксама вадзіцель-тысячнік ААТ “Міхалёўская Ніва” Сяргей Міхайлавіч Манько.

Хлебаробаў-тысячнікаў Юрыя Арцёменка і Сяргея Сакуна на полі павіншавалі намеснік дырэктара ААТ «Неўскі-Агра» Алег Літвінчык, старшыня райкама прафсаюза работнікаў АПК Надзея Дудаль і намеснік начальніка райсельгасхарчу Аляксандр Каўранін

Віншаванні — Сяргею Манько