Ён прысвечаны 100-годдзю з дня нараджэння паэта, празаіка і перакладчыка Міколы Якаўлевіча Аўрамчыка, заслужанага работніка культуры Беларусі (1980), ганаровага грамадзяніна Бабруйскага раёна (1998). Мерапрыемства прайшло 15 студзеня з вучнямі старэйшых класаў Каменскай СШ і членамі клуба «Узрост».
Як расказала загадчык аддзела абслугоўвання і інфармацыі Жана Плышэўская, праграму вуснага часопіса склалі розныя старонкі аб дзіцячых гадах паэта, няпростым жыццёвым шляху Мікалая Якаўлевіча, які перажыў і нямецкі палон, і савецкія рэпрэсіі, і хваробы, і голад, і працы ў шахтах Рура і Данбаса, аб родных вобразах малой радзімы і інш.
Бібліятэкары прачыталі ўрыўкі з паэтычных і празаічных твораў пісьменніка і далі магчымасць падлеткам праслухаць аўдыязапіс верша паэта «Адлёт жураўлёў». Завяршылася мерапрыемства слайд-прэзентацыяй «Бацькаўшчына светлая мая», якая змяшчала асноўныя вехі жыцця і творчасці пісьменніка.
Да вуснага часопіса была падрыхтавана тэматычная паліца «Пясняр бабруйскай зямлі».
Літаратурны марафон працягваецца.