Чыноўнік павіншаваў калектыў з надыходзячымі каляднымі і навагоднімі святамі і ўручыў установе — ноўтбук, дзецям — салодкія падарункі. Хлопчыкі і дзяўчынкі, у сваю чаргу, як адзначыла намеснік дырэктара па вучэбна-выхаваўчай рабоце Алеся Васілеўская, аддзячылі шаноўных гасцей выкананымі са стараннем песнямі, вершамі, танцамі, старшакласнікі — чытаннем балады пра навагоднія цуды ўласнага сачынення.
За некалькі дзён да гэтага салодкія навагоднія падарункі ад падатковых органаў атрымалі вучні Гарбацэвіцкай СШ. У рамках акцыі «Нашы дзеці» 18 снежня ўстанову наведалі прадстаўнікі прафсаюза «Адзінства» — Беларускага прафесійнага саюза работнікаў падатковых і іншых фінансавых органаў. У падзяку за гасцінцы на ўрачыстай лінейцы з нагоды сустрэчы вучні наладзілі для гасцей канцэртную праграму.