Свае віншаванні перадаў і старшыня райвыканкама Павел Найдзён, які гаварыў пра значнасць прафесіі настаўніка, пра адданасць і высакародную місію людзей, якія ёю авалодалі, і пажадаў педагогам дабрабыту, здароўя, зацікаўленых вучняў. Не абыйшлося на свяце і без узнагарод. Граматы Бабруйскага раённага выканкама за шматгадовую, добрасумленную працу, асабісты ўклад у развіццё сістэмы адукацыі і ў сувязі з юбілеем удастоілася дырэктар Бортнікаўскага ВПК «Яслі-сад-СШ» І.В. Нікалаева. Граматы Міністэрства адукацыі за дасягнутыя поспехі ў навучанні і выхаванні падрастаючага пакалення — настаўнік беларускай мовы і літаратуры гэтай жа ўстановы В. В. Дымар. Цёплыя словы былі адрасаваны Н. В. Кузьміцкай, настаўніку рускай мовы і літаратуры Гарбацэвіцкай СШ, і І.Э. Сысоевай, настаўніку пачатковых класаў Бортнікаўскага ВПК, якія напярэдадні былі адзначаны таксама граматамі Міністэрства адукацыі. Не абыйшло педагогаў, метадыстаў раёна праўленне ГА «Беларуская асацыяцыя «Конкурс». Многім з іх за плённае супрацоўніцтва ўручаны ўзнагароды.
Па традыцыі педагогаў-дэпутатаў сельсаветаў з уручэннем ім грамат райсавета дэпутатаў, а таксама найбольш актыўных членаў раённай арганізацыі ГА «Белая Русь» павіншаваў старшыня райсавета дэпутатаў, ён жа старшыня «Белай Русі» Аляксандр Емяльянаў. Узнагарод і падарункаў удастоіліся таксама найбольш актыўныя члены прафсаюза. Іх уручылі старшыня раённага аб’яднання прафсаюзаў Людміла Крычко і старшыня райкама галіновага прафсаюза Таццяна Бокач. Асаблівыя словы падзякі прагучалі ў адрас педагогаў, чый працоўны стаж вызначаецца 40, 50 гадамі, а таксама ў адрас ветэранаў педагагічнай працы.
І, вядома ж, павіншавалі віноўнікаў свята вучні — цёплымі словамі, лірычнымі песнямі, заліхвацкімі танцамі. А дзякуючы мультымедыйнаму абсталяванню і імправізаванаму незалежнаму каналу «Мост дружбы», таксама і бацькі школьнікаў з розных куткоў раёна.
Па матэрыялах грамадска-палітычнай газеты «Трыбуна працы»